पाँचथरमा बाढी र पहिरोमा मृत्यु भएका २६ जनाको सनाखत



पाँचथर, ४ कात्तिक

पाँचथरमा बाढी र पहिरोका कारण मृत्यु भएका २६ जनाको सनाखत भएको छ ।

जिल्ला प्रहरी कार्यालय पाँचथरले हालसम्म २६ जनाको मृत्यु भएको पुष्टि गरेको हो । यद्यपि मृत्युको संख्या केही बढी रहेपनि प्रहरीले सो संख्या पुष्टि गरेको छैन् । पाँचथरमा बाढी र पहिरोमा परी छ जना वेपत्ता छन् भने आठ जना घाइते भएका छन् । पाँचथरमा पहिरोले पुर्दा इलामका दुई जना स्वास्थ्यकर्मी समेत वेपत्ता छन् ।

पाँचथरमा बाढी र पहिरोमा परी मृत्यु भएकाहरुमा फिदिम नगरपालिका १३ लुङरुपाकी २२ वर्षीया ममता लिम्बू र सोही स्थानका चार वर्षीय रोमन मगर, फाल्गुनन्द गाउँपालिका ३ मालिङ्गेका का १० वर्षीय युगेश तामाङ र सोही स्थानका २८ वर्षीय फुर्वा तामाङ, फाल्गुनन्द गाउँपालिका ४ च्याप्लुङकी ३५ वर्षीया प्यारीमाया तुम्बापो चेम्जोङ र कुम्मायक गाउँपालिका २ लोक्तापाकी ४० वर्षीया डम्बरकुमारी शेर्मा छन् ।

यस्तै जिल्लाको मिक्लाजुङ गाउँपालिका ५ कारबारीका ७५ वर्षीय धनबहादुर लावती, सोही वडाको हुलाक भन्ने ठाउँकी ३६ वर्षीया चन्द्रकला राई, मिक्लाजुङ गाउँपालिका १ आठभैयाका ३५ वर्षीय सन्तोष नेपाली, मिक्लाजुङ वडा नं. ५ सिक्तेम्बाका ४७ वर्षीय मनबहादुर राई र सोही स्थानकी ४६ वर्षीया विमला श्रेष्ठ राई, सोही वडाको पञ्चमी भन्ने स्थानका ३१ वर्षीय विष्णुबहादुर लावती, ३१ वर्षीय सन्दीप लावती, १७ वर्षीय अनिल राई, १७ वर्षीय अनिया चोङबाङ, २८ वर्षीय प्रताप चोङबाङ, ६५ वर्षीय पदमसिंह चोङबाङ, ३१ वर्षीय सुरज चोङबाङ, ५५ वर्षीय भद्रमाया लावतीको पहिरोमा परी मृत्यु भएको छ ।

यस्तै मिक्लाजुङ गाउँपालिका वडा नं. ४ पञ्चमीका २५ वर्षीय बबिन राई र २७ वर्षीय अनिल राई, धनकुटा घर भएका ६० वर्षीय मगर साइला भनिने ब्यक्ति, मिक्लाजुङ २ नाकेदिमकी ५१ वर्षीया मानमती शेर्मा र सोही स्थानकी २१ वर्षीय निशा शेर्मा तथा मिक्लाजुङ ७ का मनमाया राई र वीरमान राईको बाढी र पहिरोका कारण मृत्यु भएको जिल्ला प्रहरी कार्यालय पाँचथरले जनाएको छ ।

प्रतिक्रिया दिनुहोस्