एकैदिन ४३६४ थप जनालाई कोरोना सङ्क्रमण



फिदिम । पछिल्लो २४ घण्टामा देशभरका विभिन्न स्थानका थप चार हजार ३६४ जनामा कोरोना भाइरसको संक्रमण देखिएको छ । योसँगै कुल सङ्क्रमितको संख्या ९८ हजार ६१७ जना पुगेको स्वास्थ्य तथा जनसङ्ख्या मन्त्रालयले पुष्टि गरेको छ।

नियमित पत्रकार सम्मेलनमा मन्त्रालयका प्रवक्ता प्रा.डा. जागेश्वर गौतमले देशभरका विभिन्न प्रयोगशालामा गरिएको परिक्षण गर्दा पछिल्लो २४ घण्टामा चार हजार ३६४ जनामा सङ्क्रमण भेटिएको बताए । आजै दुई हजार ६७५ जना डिस्चार्ज भएको मन्त्रालयबाट जारी विज्ञप्तीमा उल्लेख गरिएको छ। त्यस्तै, हाल नेपालमा २६ हजार ६८४ जना सक्रिय सङ्क्रमित रहेका छन्।

नेपालका ३ जिल्लाहरु मुस्ताङ्ग र मनाङ्गमा अहिले कोरोना संक्रमित छैनन् । त्यस्तै, काठमाडौँ, ललितपुर, भक्तपुर, चितवन, रुपन्देही, सुनसरी र मोरङ ५ सय भन्दा बढी सङ्क्रमित रहेका छन्। हालसम्म नेपालमा ७१ हजार ३४३ जना निको भएका छन् भने ५९० जनाले ज्यान गुमाएका छन्।

प्रतिक्रिया दिनुहोस्